മൈത്രി

മതിലുകൾ കെട്ടിയുയർത്തല്ലേ,
അതിർവരമ്പുകൾ തീർക്കരുതേ,
മനസ്സുകൾ തമ്മിലകറ്റല്ലേ,
തനുവിനു കേടു വരുത്തല്ലേ.

അടുക്കണം നാം അടിക്കരുതേ,
എടുത്തു ചാട്ടം പിഴയ‌്ക്കരുതേ,
ഇടഞ്ഞു ചടയാൻ മുതിരല്ലേ,
പട പടയാനുമൊരുങ്ങല്ലേ.

കുതിച്ചു ചാടി തളരരുതേ,
മതിച്ചു പാഞ്ഞു പതിക്കരുതേ,
ചികഞ്ഞു തഴയാൻ നോക്കരുതേ,
പുക പാറും പക കാട്ടരുതേ.

സ്നേഹം പകരാൻ മടിക്കരുതേ
മോഹമുണർത്താൻ തുനിയരുതേ
പഠിച്ചതു പാഴായ്പ്പോകരുതേ
മുടിയാന്‍ വേലകൾ ചെയ്യരുതേ.

ഒരുമ വളർത്താൻ വൈകരുതേ,
ഗുരു വചനങ്ങൾ മറക്കല്ലേ.
സഹവർത്തിത്വം വെടിയരുതേ,
സഹോദരര്‍ നാം പിരിയരുതേ.